Barcelona ka shënuar gol në minutat shtesë, por ka pranuar po ashtu. Dhe mbeti pa pikë në ndeshjen me Antwerpin.
Kampioni belg fitoi 3:2 para shikuesve të tij, të mërkurën në ndeshjen e fundit të fazës grupore të Championsit.
Marc Guiu shënoi për 2:2 në minutën e 91-të. Por George Ilenikhena shënoi menjëherë në minutën e 92-të për fitoren 3:2 të Antwerpit.
Arthur Vermeeren shënoi që në minutën e dytë për belgët. Ferran Torres barazoi në minutën e 35-të, kurse Vincent Janssen shënoi golin e dytë për Antwerpin në minutën e 56-të.
Arbnor Muja i mungoi skuadrës belge për shkak të kartonave.
Barcelona ka fituar grupin H me 12 pikë, sa i ka edhe Porto.
Antwerpi mori pikët e para. Ishte eliminuar më herët.