Boksieri meksikan Saul “Canelo” Alvarez ka mbetur kampion i padiskutueshëm në peshën super të mesme në boks profesionist.
Alvarez 33-vjeçar të shtunën mbrëma në Las Vegas e mposhti me vendim unanim pas 12 raundeve amerikanin Jermell Charlo.
Tre anëtarët e jurisë i dhanë fitoren Alvarezit. Dy e vlerësuan luftën 118:109 dhe njëri 119:108.
Alvarez ka mbajtur në pronë titujt e katër versioneve më të mëdha të boksit profesionist (WBC, ÇBA, WBO dhe IBF).
Alvarez e rrëzoi Charlon një herë në raundin e shtatë, por nuk arriti ta mbyllte duelin para kohës.
Edhe
Boks, Alvarez dominon përballjen me Ryderin në një natë historike në Guadalajara
“Unë jam më i miri. Kush është më i mirë? Asnjëherë s’mund ta mposht Canelon”, ka thënë Alvarez.
Alvarez në boks profesionist i ka 60 fitore (39 KO), dy humbje e dy barazime. Për Charlon është humbja e dytë në karrierë, karshi 35 fitoreve e një barazimi.
