Sulmuesi Miguel Almiron ka firmosur kontratë të re me Newcastle Unitedin, ka njoftuar të premten ekipi anglez. Ai ka firmosur kontratë për tre vjet e gjysmë dhe do të jetë pjesë e Newcastlet deri në verën e vitit 2026.
Pas firmosjes së kontratës, Almiron ka deklaruar se është shumë i lumtur që do të vazhdojë të mbetet pjesë e ekipit anglez, me të cilin synon të ketë suksese të mëdha. 29-vjeçari së fundmi ka regjistruar paraqitjen e tij të 150 me fanellën e Newcastlet.
Ai është pjesë e ekipit anglez prej janarit të vitit 2019 kur iu bashkua nga Atlanta Unitedi për 25 milionë euro. Këtë sezon, Almiron ka realizuar 10 gola dhe ka bërë 3 asistime në të gjitha garat për Newcastlen.
