Skuadra e Ajaxit ka shprehur interesim për sulmuesin e krahut, Lucas Ocampos.
“Marca” ka shkruar të hënën se Ajaxi ka nisur negociatat me Sevillan për transferimin e 28-vjeçarit.
Ocampos tek Ajaxi po shihet si zëvendësim ideal për brazilianin Antony, i cili do t’i bashkohet Manchester Unitedit.
Për Ocamposin, skuadra holandeze është e gatshme të ofrojë 30 milionë euro.
Ocampos është pjesë e Sevillas prej vitit 2019 dhe ka kontratë deri në vitin 2024.
Këtë edicion, ai ka tri paraqitje në kampionatin spanjoll, kurse karrierë ka bërë edhe te Marseille, Milani, Genoa, Monaco e River Plate.
