Tammy Abraham po e kërkon kthimin në Angli dhe tashmë ka paralajmëruar largimin nga skuadra e Romës në fund të këtij sezoni. “Corriere dello Sport” ka njoftuar të martën se Abraham nuk po e sheh të ardhmen e tij në Serie A dhe për këtë arsye po preferon kthimin në Premier League.
Ai tashmë ka njoftuar drejtuesit e Romës, të cilët po kërkojnë mbi 50 milionë euro për kartonin e tij.
Abraham iu bashkua Romës vitin e shkuar nga Chelsea dhe ka shkëlqyer ne sezonin e tij të parë në Itali. Këtë edicion, 25-vje֛çari ka shënuar dy gola në tetë paraqitje për Romën, ekip më të cilin ka kontratë deri në vitin 2026.
Interesim për shërbimet e tij, tashmë kanë shfaqur Arsenali e Manchester Unitedi.
