Mesfushori i Brazilit, Fred mund të kthehet te Manchester Unitedi me peshë më të lehtë në fund të këtij muaji.
Kjo për shkak se ai po i humb deri në tre kilogramë në një ndeshje të Kupës së Botës për shkak të angazhimit të madh në fushë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKështu, ka shkruar të premten tabloidi anglez “The Sun”. 29-vjeçari po tregohet i pandalshëm në fushë dhe këtë e dëshmoi në fitoret e Brazilit ndaj Serbisë e Brazilit, ku ishte lojtari me më së shumti kilometra të vrapuara.
Angazhimi i tij i madh në lojë, por edhe temperaturat e larta që po mbretërojnë në Katar, kanë bërë që Fred të bie në peshë. Fizioterapueti i Brazilit, Guilherme Passos ka bërë të ditur se Fred është lojtari më i lehtë në ekipin e trajnerit Tite, me vetëm 67 kilogramë.
Mirpëo, ai ka paralajmëruar se Fred mund të bie edhe më shumë në peshë duke pasur parasysh intensitetin e tij në ndeshje dhe stërvitje.
Megjithatë, Fred do të pushojë për ndeshjen e fundit të Grupit G që Brazili e luan në mbrëmje kundër Kamerunit për të mos e mbingarkuar sistemin e tij. Ai po ashtu, po merr edhe vitamina shtesë për t’u rimbushur pas ndeshjeve rraskapitëse që i ka pasur deri më tani.