Tenistja numër një në botë, Iga Swiatek, i ka vënë kapak stinorit të saj impresiv, duke e fituar turneun Grand Slam “US Open”.
Swiatek në finale të “US Open” e mposhti tunizianen Ons Jabeur me 2:0 në sete (6:2 dhe 7:6). Për polaken 21-vjeçare është Grand Slami i dytë i fituar këtë vit dhe i treti në përgjithësi.
Dy Grand Slame të kaluara i kishte fituar në “French Open”.
Jabeur ndërkohë ka mbetur në pritje të triumfit të parë në një Grand Slam. Ajo këtë vit u mposht edhe në finale të Wimbledonit.
