Iga Swiatek vazhdon dominimin në turneun Grand Slam “Roland Garros”.
Tenistja polake, Swiatek, të shtunën e ka fituar trofeun e tretë në katër vjet, por u desh të luftonte shumë për të triumfuar përballë Karolina Muchovas.
Bartësja e parë e turneut fitoi përballë Muchovas së vendit të 43-të me rezultatin 2:1 në sete, 6:2, 5:7 dhe 6:4.
Tenistja nga Republika e Çekisë, Muchova 26-vjeçare, i bëri ballë mjaftë kundërshtares polakes 22-vjeçare, por nuk arriti të triumfonte në fund.
Swiatek, që tani ka katër trofe në turnetë Grand Slam, bëhet tenistja e parë që e mbron titullin në Francë që prej Justine Heninit në vitin 2007.
