Përzgjedhësi i Përfaqësueses së Francës, Didier Deschamps do ta ftojë sulmuesin e Real Madridit, Karim Benzeman për “Euro 2020” kanë raportuar të martën mediumet franceze. Deschamps thuhet se tashmë ka biseduar me Benzeman, i cili ka pesë vjet që nuk është ftuar te Franca për shkak të skandalit me Mathieu Valbuenan.
Megjithatë, thuhet se forma e mirë që Benzema ka treguar te Real Madridi këtë edicion, ka detyruar Deschampsin ta rikthejë sulmuesin në ekip. Ai te Franca pritet ta përbëjë sulmin së bashku me Antoine Griezmannin e Kylian Mbappen për Kampionatin Evropian që nis muajin tjetër. Franca është pjesë e Grupit F në “Euro 2020” së bashku me Hungarinë, Portugalinë e Gjermaninë. Benzema ka 81 ndeshje dhe 27 gola të shënuara me fanellën e Francës kurse këtë sezon, ai ka realizuar 29 gola dhe ka asistuar tetë herë në 45 paraqitje për Real Madridin.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo