Veturat “inteligjente” të policisë, fotografojnë e detektojnë shkeljet

Patrullimet e zakonshme të policisë do të zëvendësohen në patrullime “inteligjente”.

Me një veturë me shume pajisje inteligjente, policia po patrullon rrugëve të Gjilanit. Brenda saj ka sistem që i detekton vetë shkelësit e rregullave.

Shpejtësinë, veturat e paregjistrua, tejkalimet në vijë të plotë regjistrohen nga sistemi me kamera. Sistemi printon një raport bashkë me fotografi të veturës dhe më pas shkelësi lajmërohet nga policia për kundërvajtjen.

Qytetarët e Gjilanit e kanë mirëpritur iniciativën e policisë që përmes veturave me pajisje inteligjente i gjobisin ata që thyejnë rregullat e komunikacionit.

Edhe numri i aksidenteve është zvogëluar në Gjilan nga patrullimi i policisë me vetura inteligjente, ka thënë Ismet Hashani, zëdhënës i Policisë së Kosovës për rajonin e Gjilanit.

Ai thotë se për qëllim kanë parandalimin e aksidenteve fatale.

Këto vetura, sipas zëdhënësit të Policisë së Kosovës, Baki Kelani, do të operojnë në të gjitha qytetet e fshatrat e Kosovës.

Edhe Kronikë 29 gus 2022 Nis zbatimi i patrullimeve policore me pajisje inteligjente në Gjilan

Secili regjion ka marrë një veturë dhe tashmë 7 të tilla ndodhen në krejt Kosovën.

Edhe Prishtina përkundër numrit të madh të veturave ka vetëm një automjet të tillë.

Policët në kryeqytet kanë shqiptuar mbi 100 gjoba për një javë.