Drejtoria Rajonale e Policisë në Gjilan, ka filluar të zbatojë projektin “Patrullimi Inteligjent” përmes automjeteve policore me pajisje inteligjente me qëllim të ngritjes së kapaciteteve operative që synojnë rritjen e sigurisë në komunikacion.
Sipas komunikatës së lëshuar nga Policia, të hënën, këto automjete janë të pajisura me sensorë e radarë që gjatë lëvizjes së veturës monitorojnë rrugën, identifikojnë kundërvajtësit duke bërë matjen e shpejtësisë se mjeteve në lëvizje në këndin 360 shkallë, si dhe detektojnë tejkalimin në vijë të plotë e përdorimin e telefonit.
“Në ekranin e vendosur brenda veturës, zyrtarët policorë mund të shohin veturat që janë në rrugë se me çfarë shpejtësie po lëvizin, do të kenë informacione edhe për targat e veturës së detektuar e detaje të tjera që e bëjnë më të lehtë identifikimin e kundërvajtësve”, thuhet në njoftimin e Policisë.
Po ashtu, raportohet se nëpërmjet këtyre pajisjeve bëhet leximi i targave dhe identifikimi i mjeteve të paregjistruara, targave të vjedhura si dhe identifikimi i personave në automjetet në lëvizje që janë të kërkuar nga organet drejtësisë.
“Qëllimi i Policisë së Kosovës nuk është gjobitja e ngasësve të veturave, por parandalimi që të kem sa më pakë aksidente të trafikut”, thuhet më tej në njoftim.
-
Veturat “inteligjente” të policisë, fotografojnë e detektojnë shkeljet
-
Nis shqiptimi i gjobave përmes monitorimit të kamerave të sigurisë në Prishtinë
-
IPK-ja identifikon dobësi në pasqyrimin e gjobave dhe shkeljeve
-
Për një javë në Prishtinë u shqiptuan 826 gjoba për shkelje në trafik të evidentuara nga pajisjet inteligjente
-
Policia tregon se cilat gjoba do të dërgohen me postë te shkelësit e rregullave në trafik