“Fushë-Kosova”, klubi i karatesë me qindra medalje

Është një prej mbrëmjeve ku karateistët e klubit “Fushë-Kosova” kryejnë ushtrimet.

Të dyja gjinitë të kategorive të ndryshme e sfidojnë njëri-tjetrin në sportin e karatesë, e më pastaj nga garat nuk largohen pa medalje e vende të para.

Një nga sportistet që ka treguar shumë suksese është Albulena Gërvalla.

Ajo tregon se që në vegjëli ka pasur shpirt luftarak dhe se karateja është pjesë e rëndësishme e jetës së saj.

Bajram Osmani dhe Meriton Zhdrella janë pjesë e këtij grupi që garojnë në kategorinë junior -76 dhe -68 kilogramë.

Që të dy ushtrimin e këtij sporti e kanë filluar në moshë të hershme e të shpeshta për ta janë edhe sukseset.

Trajneri Isak Curri, me kënaqësi flet për secilin prej nxënësve të tij. E, sukseset e treguara nga ta veçse ia shtojnë vullnetin për më shumë punë.

Përveç të tjerash, ai përmend edhe ndikimin për të mirë që e ka karateja në shëndet, qoftë atë fizik e edhe psikik.

Trajneri tjetër, Granit Curri, tregon më tepër se si po e përmbyllin këtë vit sa u përket garave vendore e ndërkombëtare.

Krahas sfidave të vazhdueshme, trajnerët bashkë me nxënësit me shumë përkushtim ushtrojnë çdo ditë e me më shumë vullnet.