Një çift nga Ukraina që ka ikur nga lufta është zhvendosur në Kosovë dhe po e vazhdon jetën këtu.
Serhii Shevchenko dhe Liudmyla Mekh janë burrë e grua të cilët janë me profesion gazetarë.
Në emisionin “Sot” të KTV-së të premten ata janë shprehur mirënjohës për pritjen nga ana kosovare.
“Kemi mbërri në Prishtinë nga fundi i majit, shumicën e Kohës punojmë si gazetarë. Lufta na ka shkatërruar shumë monumentet historike”, ka thënë Shevchenko.
Ai ka bërë të ditur se në Kiev kanë lënë djalin e tyre, i cili është ekspert i IT-së dhe se mundohen të komunikojnë vazhdimisht me të.
Edhe
Edhe dy gazetarë ukrainas vendosen në Prishtinë
Ndërkaq, Liudmyla ka treguar se kohën e lirë po e shfrytëzojnë për të mësuar më shumë për historinë e Kosovës.
“Kohën e lirë e shfrytëzojmë për të ditur më shumë për historinë e Kosovës. E kemi vizituar Prizrenin. Do të vizitojmë disa vende historike. I jemi mirënjohës Asociacionin të Gazetarëve të Kosovës (AGK) për të gjithë mbështetjen që na ka ofruar”, ka thënë ajo.
