Skenaristi dhe regjisori britanik, Terence Davies, ka vdekur në moshën 77-vjeçare, raportoi të dielën BBC-ja.
Davies, i cili njihet për filmin “Distant Voices, Still Lives”, vdiq në shtëpinë e tij pas një sëmundjeje të shkurtër, ka konfirmuar menaxheri i tij në një deklaratë.
I lindur dhe i rritur në Liverpool, puna e tij shpesh ka paraqitur elemente autobiografike.
Davies punoi si nëpunës në një zyrë transporti dhe kontabilist në një firmë kontabiliteti për 10 vjet përpara se të regjistrohej në shkollën e dramës në Coventry më 1973.
Ai fitoi Çmimin Ndërkombëtar të Kritikës në Cannes për “Distant Voices, Still Lives”, film i bazuar në kujtimet e tij gjatë jetesës në Liverpool përgjatë viteve 1940 dhe 1950.
