Seriali i shumëpritur i kanalit HBO, “And Just Like That”, i cili është vazhdim i hitit televiziv “Sex and the City”, shumë shpejtë i rikthen në ekran personazhet e dashura për publikun mbarë botëror, Carrie Bradshaë e personifikuar nga Sarah Jessica Parker, Charlotte York e portretizuar nga Kristin Davis dhe Miranda Hobbs, e cila në film luhet nga aktorja Cynthia Nixon.
Tashmë është publikuar edhe traileri i plotë i këtij projekti, i cili fokusohet në kapitullin e ri të tri shoqeve të pasionuara pas modës, teksa përballen me realitetin e komplikuar të jetës dhe shoqërisë në New York City, por tani në moshë më të shtyrë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPërmes sekuencave të fundit të serialit, tri mikeshat e ngushta, Carrie, Miranda dhe Charlotte, shihen përkrahë njëra-tjetrës duke u shfaqur sërish më të pandashme se kurrë. Aty po ashtu përfshihen disa personazhe të reja për publikun, si Lisa Todd Wexley e personifikuar nga Nicole Ari Parker, Seema Patel e portretizuar nga Sarita Choudhury dhe Dr. Nya Wallace e cila në serial portretizohet nga aktorja Karen Pittman.
Aktorët që i përsërisin rolet e tyre janë Chris Noth i cili vjen në rolin e Mr. Big, dhe aktori i ndjerë Willie Garson, i cili e përsërit rolin e mikut të ngushtë të Bradshawit, Stanford Blatch. Grason vdiq në muajin shtator nga kanceri. Ai ishte vetëm 57-vjeçar.
Dy episodet e para të serialit “And Just Like That” do të debutojnë në platformën “HBO Max”, më 9 dhjetor të këtij viti.