Aktori Matthew Perry, i cili vdiq të shtunën në moshën 54-vjeçare, u varros të premten në një varrezë në Los Angeles në një ceremoni ku të pranishëm ishin familjarë dhe ish-kolegët e tij të serialit “Friends”.
Ata u mblodhën në varrezën “Forest Lawn”, ku janë varrosur edhe një numër yjesh të tjerë të Hollywoodit si Michael Jackson, Lucille Ball dhe Elizabeth Taylor, shkroi The Guardian.
Perry, i cili luajti rolin e Chandler Bing në “Friends” nga viti 1994 deri më 2004, u gjet i vdekur në shtëpinë e tij.
Pesë miqtë e tij të “Friends” dolën me një mesazh të përbashkët pas vdekjes së tij.
Të gjithë të pranishmit në varrim, rreth 20 persona, të veshur në të zeza u rrethuan te varri i tij.
Shkaku i vdekjes së Perryt ende nuk është bërë i ditur dhe pritet të kryhen testimet për ta bërë një gjë të tillë.
-
Matthew Perry, ylli i serialit “Friends” vdiq në moshën 54-vjeçare
-
Yjet e “Friends” reagojnë për vdekjen e Perryt
-
Mjeku i dënuar në rastin e Matthew Perryt apelon dënimin me burg
-
Matthew Perry shkonte në shtëpinë e Ozzy Osbournet për takime të “Alkoolistëve Anonimë”
-
Doktori nga Kalifornia do ta pranojë fajësinë në rastin e vdekjes së Matthew Perryt