Aktori amerikan Matthew Perry, i njohur më së shumti për rolin e Chandler Bing në hitin televiziv të viteve ’90 “Friends”, ka vdekur në moshën 54-vjeçare, raportoi të dielën BBC-ja.
Aktori u gjet i vdekur në shtëpinë e tij në Los Angeles.
“Friends” u transmetuan nga viti 1994 deri në vitin 2004.
“LA Times” dhe “TMZ”, të cilat ishin ndër të parat që raportuan se Perry ka vdekur, raportuan se aktori u gjet i pavetëdijshëm në një vaskë të nxehtë në shtëpinë e tij.
“Jemi të shkatërruar nga vdekja e mikut tonë të dashur Matthew Perry. Ai ishte aktor jashtëzakonisht i talentuar dhe një pjesë e pashlyeshme e familjes së grupit ton”, thuhet në një deklaratë të lëshuar nga grupi televiziv “Warner Bros”.
Edhe
Matthew Perry varroset nga familjarët dhe pesë miqtë e tij
I lindur në Massachusetts në vitin 1969, Perry u rrit në Otava të Kanadasë, ku ndoqi shkollën fillore me Justin Trudeau, i cili më vonë u bë kryeministër kanadez. Ai u transferua në Los Angeles si adoleshent.
Perry luftoi për vite me varësinë ndaj ilaçeve kundër dhimbjeve dhe alkoolit, dhe ndoqi klinikat e rehabilitimit në shumë raste.
