Ylli 45-vjeçar, Kim Kardashian, është rikthyer te vendimi i saj për të vendosur diamante gjatë dëshmisë në gjykatë kundër personave të përfshirë në grabitjen e tmerrshme që kishte ndodhur në Paris në vitin 2016. Ajo u paraqit me një varëse diamanti prej 3 milionë dollarësh, të vendosur në ar të bardhë 18 karatësh.
Në një pjesë paraprake të episodit të javës së ardhshme të The Kardashians, Kim pranon se e bëri këtë për t'i “provokuar në maksimum këta humbës”.
Në kohën e dëshmisë së saj në maj, ekspertja e bizhuterive Laura Taylor – e cila nuk ka pasur asnjë lidhje me Kim – komentoi për domethënien e aksesorëve të saj.
“Kjo nuk është thjesht një paraqitje publike, është hera e parë që ajo del ballë për ballë me njerëzit që e lidhën, i vunë armën në kokë dhe i vodhën miliona dollarë bizhuteri. Ajo e dinte se kamerat do të ishin aty, imazhet do të shpërndaheshin globalisht, dhe në stilin tipik të Kimit, u kujdes të kontrollonte mënyrën se si do të paraqitej”, ka thënë ajo.
Episodi pritet ta ndjekë Kimin gjatë gjyqit të 10 personave të akuzuar për përfshirje në grabitjen e bizhuterive me vlerë miliona dollarë në Paris, gati një dekadë më parë.
Në një trailer të publikuar muajin e kaluar nga sezoni aktual, nëna e saj, Kris Jenner, e pyet: “A mendon se duhet të hyjmë aty të stolisura me të gjitha diamantet?”
Por Kim përgjigjet: “Dua të jem ajo që dua të jem.”
Gjyqi i majit përfundoi me tetë të pandehur të dënuar për vepra të ndryshme të lidhura me ngjarjen, dhe Kim më herët ka shprehur mirënjohjen e saj për vendimin.
“Jam thellësisht mirënjohëse ndaj autoriteteve franceze që e çuan këtë çështje drejt drejtësisë. Krimi ishte përvoja më e frikshme e jetës sime, duke lënë një ndikim të përhershëm tek unë dhe familja ime. Edhe pse kurrë nuk do ta harroj atë që ndodhi, besoj në fuqinë e rritjes dhe përgjegjësisë. Jam e përkushtuar të avokoj për drejtësi dhe të promovoj një sistem ligjor të drejtë”, ka thënë ajo në një deklaratë për NBC News.