-
Përktheu:
Vita Abrashi-Kajtazi
- 9 tetor 2025 12:35
- Shpërndaje në:
Këngëtari, Justin Bieber, i është përgjigjur me humor lutjeve të nënës së tij, Pattie Mallette, pas një postimi emocional që ajo bëri në Instagram.
Këngëtari 31-vjeçar reagoi disa javë pasi Mallette, më 22 shtator, kishte shkruar një mesazh të gjatë shpirtëror, duke treguar se gjithmonë lutet dhe e mbështet djalin e saj, ka raportuar revista People.
“Jemi gjithmonë duke të përkrahur dhe duke u lutur për ty, Justin. Unë shpall liri, forcë, qartësi dhe shërim mbi ty, Justin. Çdo zinxhir frike, konfuzioni, rëndese apo dhimbjeje, u theftë në emër të Jezusit. Fryma e Shenjtë, rrethoje me të vërtetën, dritën dhe mbrojtjen Tënde. Shëro çdo plagë në zemrën, mendjen dhe trupin e tij, të dukshme apo të padukshme, dhe mbuloje me plotësi. Mbush zemrën e tij me dashurinë dhe ngushëllimin Tënd, dhe bëje një zë të fortë për Mbretërinë Tënde. Heshte çdo zë që nuk vjen prej Teje dhe bëje jetën e tij dëshmi të fuqisë, dashurisë dhe hirit Tënd shërues”, pati shkruar ajo duke shtuar: “Thuaj ‘amen’ nëse pajtohesh”.
Përgjigjja e Bieberit ishte e shkurtër dhe me humor.
“E vetmja gjë nga e cila më duhet shërim është gishti i vogël i këmbës që e lëndova duke luajtur ping pong”, ka komentuar këngëtari.
Edhe
Justin Bieber thotë se mbështetet te falja dhe dashuria
Ende nuk dihet se çfarë kishte parasysh Pattie në postimin e saj origjinal, por ky nuk është rasti i parë që ajo shpreh publikisht mbështetjen për të birin.
Gjatë verës, Bieber ka folur hapur për besimin e tij fetar dhe ka treguar se dashuria e Jezusit është ajo që e ndihmon çdo ditë.
Edhe
Justin Bieber flet për problemet me zemërimin
“Jam mirënjohës për një ditë të re. Mirënjohës për Jezusin. Ai më takon çdo mëngjes me falje dhe dashuri që nuk e meritoj. Jam kaq mirënjohës që Ai e jep këtë dashuri kaq lirshëm, kaq me hir. Nuk do të isha në gjendje ta përballoja ditën pa dashurinë e Tij. Ajo më takon edhe në momentet më të ulëta”, kishte shkruar ai në Instagram
Këngëtari, i cili është i martuar me modelen Hailey Bieber, ndau gjithashtu një pjesë të këtij mesazhi në Instagram Stories, së bashku me këngën “Lord Do It For Me” nga Zacardi Cortez.
