Harry dhe Maghan i bashkohen familjes mbretërore për ditëlindjen e mbretëreshës

Princi Harry dhe dhe dukesha e Sussexit, Meghan, morën pjesë në paradën e ditëlindjes së mbretëreshës në Londër, të enjten, në paraqitjen e tyre të parë të përbashkët publike me familjen mbretërore që kur u larguan nga familja mbretërore dy vjet më parë.

Çifti ndoqi ngjarjen “Trooping the Color” me anëtarët e tjerë mbretërorë nga zyra e gjeneralmajorit pranë paradës së Rojeve të Kuajve, tha një zëdhënës i çiftit për CNN-in të enjten.

Por Harry dhe Meghan nuk iu bashkuan anëtarëve të tjerë mbretërorë për paraqitjen tradicionale të ballkonit pas paradës. Mbretëresha vendosi muajin e kaluar që të përfshihen vetëm anëtarët mbretërorë që kryejnë detyra zyrtare.

Edhe Princi Andrew, reputacioni i të cilit është dëmtuar nga një padi civile për abuzim seksual në SHBA, të cilën ai e zgjidhi më pas, mungoi.

Ndërkohë Princi Harry dhe bashkëshortja e tij, Meghan, kanë fluturuar në Mbretërinë e Bashkuar nga shtëpia e tyre në Kaliforni për ngjarjet jubilare të mbretëreshës, të cilat shënojnë 70-vjetorin e saj në fron.

Dy fëmijët e tyre, Archie dhe Lilibet, i kanë shoqëruar në udhëtim - duke i dhënë Mbretëreshës mundësinë e parë për ta takuar stërmbesën e saj, e cila mbush një vjet të shtunën. Lilibet mori emrin e monarkut, i cili tradicionalisht është përmendur me pseudonim nga anëtarët e ngushtë të familjes së saj.

Gazeta “The Sun” raportoi se Mbretëresha Elizabeth II dërgoi një makinë dhe oficerë të mbrojtjes mbretërore për të marrë Dukën dhe Dukeshën nga Aeroporti Farnborough, dhe t'i çonte në shtëpinë e tyre në Frogmore Cottage, Windsor.

Edhe Showbiz 12 kor 2026 Mbreti Charles ribashkohet me nipin dhe mbesën për herë të parë pas katër vjetësh

Harry dhe Meghan kanë folur për tensionet e tyre me disa anëtarë të familjes mbretërore që nga largimi i tyre tronditës nga familja në fillim të vitit 2020, përfshirë deklaratat e tyre në një intervistë me Oprah Ëinfrey vitin e kaluar, që për pak kohë shkaktoi “krizë mbretërore”.

Ata u kthyen në Mbretërinë e Bashkuar për të vizituar Mbretëreshën në një takim sekret në prill të këtij viti dhe Harry mori pjesë në një shërbim përkujtimor për gjyshin e tij të ndjerë Princin Philip vitin e kaluar, por ata nuk janë bashkuar në një ngjarje mbretërore që nga largimi i tyre.

{gallery}