FKA Twigs kërkon 10 milionë dollarë dëmshpërblim nga Shia LaBeouf

Ylli i njohur, FKA Twigs, ka kërkuar 10 milionë dollarë dëmshpërblim nga ish-partneri i saj, aktori, Shea Labeouf.

36 vjeçja, e cila filloi lidhjen me aktorin në vitin 2019 gjatë xhirimeve të filmit “Honey Boy”, ngriti padi kundër tij në dhjetor të vitit 2020, me pretendimet për abuzime seksuale e fizike, duke përfshirë pretendimin se ai e ka ekspozuar edhe ndaj sëmundjeve seksualisht të transmetueshme, shkruan FemaleFirst.

Shia, i cili ka mohuar akuzat, në një dokument që ia dorëzoi gjykatës, ka shkruar se ka kërkuar një sërë dokumentesh nga ish-partnerja e tij pasi ajo ka pretenduar së pësoi 10 milionë dollarë dëme, duke përfshirë oferta të humbura të punës si dhe shkatërrim emocional.

“Në veçanti, FKA pretendon se lansimi i albumit të saj ishte shtyrë për shkak të ankthit që kishte dhe si rezultat ajo humbi 1 milion dollar duke mos e përfunduar albumin para se të shkonte në turne. Ajo nuk i ka sjellë dokumentet për këtë vonesë të pretenduar, arsyet prapa kësaj vonese, apo faktin se do të fitonte një shumë prej 1 milion dollarësh ekstra nga lansimi më i hershëm i albumit”, ka thënë avokati i Shias.

Avokati gjithashtu ka thënë se karriera e FKA-së ka rënë që nga ndarja nga Shia, ani pse ajo ka publikuar këngë e ka lansuar album, i cili sipas tij, është kritikiuar.

“Ajo ka vazhduar të jetë profesionalisht aktive, duke lansuar rregullisht videoklipe dhe këngë të reja në vitet 2020 e 2021, përfshirë një këngë me artistin Weeknd, një ndër artistët më të mëdhenj botëror”, ka thënë avokati.

Edhe Showbiz 3 tet 2025 FKA Twigs thotë se ende nuk ndihet e sigurt edhe pas marrëveshjes ish-partnerin

Ai gjithashtu ka shtuar se në muajin janar të vitit 2022, FKA lansoi 17 këngë. 

"Përveç muzikës, ajo është e angazhuar me rol në filmin ”The Crow”, si dhe është e përfshirë në fushata marketingu të brendit 'Calvin Klein' dhe ka dalë në ballina të shumë reviztave përfshirë 'Elle' dhe 'British Vogue'”, ka theksuar ai.