Yjet e muzikës, Bono, Halsey dhe Pharrell Williams, janë ndër personalitetet e famshme që janë paralajmëruar si pjesë e kastës së filmit të ardhshëm të animuar, “Sing 2”.
Vazhdimi i dytë i filmit të vitit 2016, pritet të lansohet nëpër kinema në dhjetor të vitit të ardhshëm, dhe vjen i realizuar nga studioja filmike “Illumination”, e cila shquhet për filma të tillë si “Despicable Me” dhe “The Secret Life of Pets”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLetitia Wright, Eric Andre, Chelsea Peretti dhe Bobby Cannavale, gjithashtu i janë bashkuar kastës së aktorëve që i huazojnë zërat për personazhet e këtij projekti të suksesshëm të animuar, pjesë e së cilin janë edhe yjet: Matthew McConaughey, Reese Witherspoon, Scarlett Johansson, Taron Egerton dhe Nick Kroll.
Sipas portalit “Variety”, Bono do ta shënojë debutimin e tij në film të animuar, duke e huazuar zërin për personazhin e një luani që është yll i muzikës rok, i njohur me emrin Clay Calloway. Ai e izolon veten nga bota pas vdekjes së partneres së tij. Pharrell Williams e luan rolin e Alfonsos, një elefant që është ngasës i kamionit të akulloreve. Ai bie në dashuri me një tjetër elefant të portretizuar në film nga këngëtarja, Tori Kelly. Ndërsa Halsey e huazon zërin për personazhin e ujkonjës tinejxhere, Porsche.
“Filmi është një festë muzikore e ndjekjes së vazhdueshme të ëndrrave, pa marrë parasysh sat ë mëdha janë sfidat që e pengojnë rrugëtimin tuaj drejt suksesit. Në thelb, ky film flet për fuqinë e optimizmit dhe besimit”, ka deklaruar Chris Meledandri, themeluesi dhe kryeshefi i ekzekutiv i studios “Illumination”.
Në fillim të vitit 2020, u bë i ditur lajmi se këngëtarja Halsey do ta shënonte debutimin e saj si aktore, duke luajtur në projektin madhor të koleges së saj aktore, Sydney Sweeney, i adaptuar nga romani “They Wish They Were Us”.