Dua Lipa në rreshtin e parë të “Chanelit” sheh krijimet e para couture të Matthieu Blazyt

Shqiptarja me famë botërore, Dua Lipa, ishte një nga personalitet e famshme që shkoi për ta shikuar koleksionin e parë “couture” të disenjatorit Matthieu Blazy për brendin e njohur “Chanel” në javën e modës couture në Paris.

Ajo u shfaq me një veshje të verdhë më printe me ngjyrë të zezë. Skajet e kostumit të saj dypjesësh ishin të zbukuruar me ngjyrë të kuqe.

Lipa mbante edhe një çantë me print të njëjtë me veshjen që e kishte kombinuar me një palë këpucë të bardha me skaje të zeza.

30-vjeçarja pa koleksionin e “Chanelit” ulur në rreshtin e parë pranë yjeve të famshëm të shoubizit si, aktoret Nicole Kidman, Vanessa Paradis e reperi A$AP Rocky.

Ndërkohë, Lipa, e cila është ambasadore e këtij brendi që nga viti 2025, po bënte “selfie” me aktoren Penelope Cruz, e cila po ashtu është ambasadore.

Krijuesja e hitit “Be The One”, është bërë fytyra e famshme për kampanjën e marketingut të çantës ikonike “Chanel 25 hangbag”, e cila u lansua në muajin janar të vitit 2025.

Në këtë kampanjë merr pjesë edhe ambasadorja tjetër e “Chanelit”, këngëtarja Jennie nga grupi muzikor i K-Popit, BLACKPINK.

Lipa më parë ishte ambasadore e produkteve të bukurisë së brendit tjetër ikonik “Yves Saint Laurent”, dhe po ashtu pati reklamuar parfumin e quajtur “Libre”.

Ajo pati bashkëpunuar edhe me gjigandin italian të veshjeve “Versace”.

Lipa ka krijuar një koleksion veshjesh me drejtoreshën e atëhershme kreative të këtij brendi, Donatella Versace, në muajin maj të vitit 2023.