De Niro thotë se është bërë baba për herë të shtatë

Aktori amerikan, Robert De Niro, ka njoftuar këtë javë se ka mirëpritur në jetë fëmijën e tij të shtatë, raportoi të martën “Daily Mail”.

Këtë e bëri të ditur kur është pyetur nga një gazetar se si ndihet si baba i gjashtë fëmijëve gjatë promovimit të filmit të ri “Për babanë tim”.

Ai tha se nuk i ka gjashtë por shtatë fëmijë, duke mos ndarë informacione për emrin apo gjininë e fëmijës së fundit.

Aktori 79-vjeçar nuk e zbuloi identitetin e nënës së foshnjës, por për herë të fundit ishte lidhur me instruktoren e arteve marciale, Tiffany Chen. Ata u fotografuan bashkë të kapur për dore në korrik të vitit të kaluar.

Përfaqësuesi i tij e konfirmoi se De Niro nuk ka gabuar dhe me të vërtetë ka shtatë fëmijë.

Më 22 mars, Tiffany është parë me bark të rrumbullakosur teksa po e shijonin një darkë me aktorin në Kaliforni.