Dalin detaje të reja të aferës seksuale të princit

Pasi që disa muaj më parë në fokus ishte afera pedofilike në të cilën ishte përfshirë Jeffrey Epstein, milioneri i ndjerë dhe pedofili i dënuar i cili për vite të tëra i ka keqtrajtuar dhe abuzuar seksualisht të miturit, tani kanë dalë detaje të reja.

Milioneri i cili kohët e fundit bëri vetëvrasje ndërsa po e priste gjykimin për shfrytëzim seksual dhe trafikimin e të miturve për qëllime seksuale, gjithashtu e inkriminoi një numër meshkujsh të njohur, të dyshuar se me ta kishin bashkëpunuar në gjetjen e të miturve.

Bill Klinton, Donald Trump, Woody Allen por edhe princi Andrew janë vetëm disa nga miqtë më të ngushtë të Jeffrey, ndërsa përflitet se do të zhvillohet një hetim për përfshirjen e tyre në të gjithë aferën, shkruan KOHA Ditore. Pallati Buckingham i mohoi pretendimet për djalin e mbretëreshës Elizabeth dhe vëllanë e princit Charles, Andrewn 59-vjeçar, por gjithnjë e më shumë vajza po pretendojnë se si të mitura janë dorëzuar në duart e princit që të bënte me to çfarë të dëshironte. Kjo mbështetet edhe nga pretendimet e një ish-shërbëtori të të ndjerit Jeffrey, i cili e pranon se shpesh e kishte parë princin Andrew në vilë, edhe kur shoku i tij milioner nuk ishte aty. Princi, sipas një burimi anonim, qëndronte në vilë për disa ditë.

"Në asnjë fazë të kohës së kufizuar sa e kam kaluar me të, nuk e kam parë dhe as nuk kam dyshuar për ndonjë sjellje të tillë e cila më pas çoi në arrestimin dhe gjykimin e tij", u justifikua më herët princi për temën e aferës seksuale, por ndërkohë edhe dy femra të reja zbuluan se kishin fjetur me princin në fillim të viteve 2000 dhe se ai e dinte që ato nuk ishin as 18 vjeçare. Princi Charles raportohet se është zemëruar për shkak të skandalit në të cilin ishte futur vëllai i tij më i vogël, dhe tmerrohet edhe vetëm të mendojë se ndaj tij është hapur një hetim zyrtar për pedofili.