Bosemani shkëlqen në filmin e fundit

I ndjeri Chadwick Boseman pritet të jetë kandidati kryesor për ta fituar çmimin “Oscar” për rolin e tij në “Black Bottom” të Ma Raineyt, ka shkruar në fundjavë BBC-ja.

Krejt kasta e aktorëve janë pjesë e gjeneratës së dalluar, që tashmë ka bërë emër në kinematografinë botërore.

Në pamjet që ka paraqitur BBC-ja nga prapaskenat e xhirimeve të filmit të aktorit që vdiq sivjet në moshë të re, shihet se si ai dhe aktorët e tjerë shkriheshin derisa po merreshin me xhirimet e skenave më të hareshme.

Regjisori George Wolfe shihet derisa ia del të krijojë një atmosferë serioze pune pavarësisht presionit të madh që e ndjen çdo aktor para xhirimit, vlerësohet në analizën e BBC-së bërë filmit të fundit të Bosemanit.

Bosemani ishte i njohur për rolet e tij, si Jackie Robinson dhe James Brown, para se të arrinte një sukses të jashtëzakonshëm në karrierën e tij në rolin e Black Panther, si pjesë e filmave të kompanisë kinematografike “Marvel”.

Ai ka ndërruar jetë në gusht, në shtëpinë e tij në Los Anxhelos, pranë familjes së tij. Bosemani ishte diagnostikuar me kancer të zorrës së trashë 4 vjet më parë.

Edhe Showbiz 20 tet 2020 “Ma Rainey’s Black Bottom” projekti i fundit i aktorit të ndjerë Chadwick Boseman

Aktorë, muzikantë, atletë e yje të Hollywoodit kanë shprehur dhimbjen për humbjen e Bosemanit përmes shumë postimeve në rrjete sociale.

Edhe presidenti i zgjedhur amerikan, Joe Biden, kishte theksuar se Bosemani ka inspiruar gjenerata dhe ka vërtetuar se ata mund të bëhen çfarëdo që duan-madje edhe superheronj.