Al Pacino tregon se si atësia pati ndikim të madh në karrierën e tij si aktor

Vajza e Al Pacinos duket se e  ka mësuar atë se si të aktrojë kur ishte vetëm foshnjë.

Ylli 85-vjeçar i Hollivudit i cili është babai i Julie, 35 vjeç, me ish-partneren e tij Jan Tarran, binjakëve Anton dhe Olivia, 24 vjeç, me Beverly D’Angelo, si dhe Roman, dy vjeç, me Noor Alfallah, ka fituar një "Oscar" për portretizimin e tij të një burri të verbër në dramën e vitit 1992, "Scent of a Woman". 

Ai ka kujtuar se si fëmija i tij më i madh e kishte mësuar se si të aktronte pa asnjë "përgatitje" apo diçka të tillë.

"Unë po luaja një burrë të verbër dhe mbaj mend që vajza ime më e madhe ishte në atë kohë tre vjeç. I thashë vajzës sime: Hej, Julie, bëj një person të verbër. A mund të bësh një person të verbër për mua?Ajo e bëri dhe unë mendova se si ajo thjesht e bëri, pa përgatitje, pa asgjë”, ka thënë aktori për E!News.

Al tani është protagonist në "The Ritual", dhe gjithashtu zbuloi se vazhdon të ketë entuziazëm për të shkuar në punë çdo ditë, edhe në këtë fazë të jetës së tij.

Aktori i filmit të famshëm “The Godfather” ka treguar po ashtu se kur bëhet fjalë për fëmijën e tij më të vogël, shpreson që të "qëndrojë i shëndetshëm" në mënyrë që të mund të jetë pranë tij sa më gjatë të jetë e mundur.