Aktorja Mila Kunis tregon sakrificat për t’iu përshtatur rolit në “Black Swan”

Aktorja Mila Kunis ka treguar se si është bërë gati për rolin e saj në filmin “Black Swan”.

Duke folur për revistën Vogue, ajo ka thënë se e ka transformuar veten për t’iu përshtatur rolit.

“Përgatitjet e mija kanë qenë duke ushtruar shumë vallëzimin dhe duke ngrënë fare pak, gjë që nuk supozohet ta them, por kjo është e vërteta. Kam vallëzuar rreth 12 orë në ditë”, ka thënë ajo.

Ajo ka ndarë detaje tjera lidhur me xhirimet e filmit.

“Ne kishim tre muaj për përgatitje para se të nisnin xhirimet, por për shkak se humbëm disa financime , i zgjatem ushtrimet deri në 6 muaj derisa Darren përpiqej të gjente financim. Kjo ishte shumë e mundimshme për Darrenin, por unë dhe Nat u gëzuam se kishim kohë ekstra për të vallëzuar”, ka thënë ajo.

Ajo tutje ka treguar se ka pësuar edhe disa lëndime gjatë ushtrimeve.