Qytetarët në Maqedoninë e Veriut votojnë sot në rundin e dytë të zgjedhjeve për kryetar komune në 33 komuna, në të cilat nuk pati fitues mbi 50% në rundin e parë, përfshirë kryeqytetin, Shkupin.
Votimet në balotazh do të përcaktojnë kryetarët e komunave në disa zona urbane dhe rurale.
Qendrat e votimit u hapën në orën 7:00 dhe do të mbyllen në orën 19:00, pas së cilës pritet që Komisioni Qendror i Zgjedhjeve ta fillojë numërimin e votave dhe shpalljen e rezultateve.
Mbi një milion qytetarë kanë të drejtë vote.
Komunat dhe qytetet ku sot zgjidhet kryetar në rundin e dytë janë: Shkupi, Aerodromi, Bogovina, Bërvenica, Vallandova, Vinica, Dibra, Debarca, Demir Kapi, Dojrani, Dollneni, Zrnovci, Karposhi, Kërçova, Konçe, Koçani, Krusheva, Kumanova, Maqedonia Mogilla, Negotina, Probishtipi, Rankovca, Rosomani, Struga, Studeniçani, Tetova, Qendra, Çeshinovë-Oblesheva, Çucer Sandeva dhe Shuto Orizari.
Në Qytetin e Shkupit, do të garojnë kandidatë nga partia në pushtet VMRO-DPMNE dhe e Majta.
Një total prej 474 mijë qytetarësh të Shkupit me të drejtë vote më 2 nëntor do të kenë të drejtë të vendosin duke rrethuar numrin në fletëvotim se kush do të pasojë kryetaren e tanishme, Danela Arsovska, një kandidate e pavarur e mbështetur më parë nga VMRO-DPMNE.
Çfarë duhet të dini për balotazhin në zgjedhjet lokale në Maqedoninë e Veriut
Kryetari i Kisella Vodës nga VMRO-DPMNE, Orce Gjorgievski, po kandidon gjithashtu për kryetar bashkie të kryeqytetit, ndërsa kundërshtari i tij është ish-deputeti i së majtës Amar Meçinoviq.
Diferenca midis dy kandidatëve në rundin e parë ishte 61.000 vota. Gjorgievski fitoi 91.000 vota, ndërsa kundërshtari i tij fitoi 30.000 vota.
Në 16 komuna, votuesit do të zgjedhin midis kandidatëve nga VMRO-DPMNE në pushtet dhe Lidhja Social Demokratike e Maqedonisë (SDSM) në opozitë.
Këto janë përplasjet më të shumta politike në rundin e dytë dhe do t'u japin një përgjigje kapaciteteve të LSDM-së opozitare, e cila i fitoi vetëm tri komuna në rundin e parë, krahasuar me 33 që i fitoi VMRO-DPMNE-në në pushtet. Këto janë 16 komuna në pjesët qendrore dhe lindore të vendit.
Komunat e Shkupit, Qendra dhe Karposhi, por edhe Kërçova, Tetova dhe Struga, si dhe Koçani, janë pjesë e komunave që analistët politikë i shënojnë si interesante për t’u monitoruar dhe ku votuesit e kandidatëve që nuk arritën në rundin e dytë mund të jenë vendimtarë për atë se kush fiton.
Në rundin e dytë, Koçani do të zgjedhë midis kryetarit të përkohshëm dhe kandidatit të pavarur Venko Krstevski dhe Vlatko Grozdanov të VMRO-DPMNE. Grozdanov fitoi rreth 2.200 vota më shumë se Krstevski në rundin e parë më 19 tetor.
Sipas të dhënave të komisionit zgjedhor, kandidatët e pavarur po hyjnë në rundin e dytë në të paktën shtatë komuna, gjë që tregon rritjen e mbështetjes për nismat lokale, jopartiake.
Në rundin e parë të këtyre zgjedhjeve 44 komuna i zgjodhën kryetarët e tyre.
Deri në orën 13:00, votuan 19.96% e qytetarëve në Maqedoninë e Veriu
Në Maqedoninë e Veriut, kur po mbahet balotazhi në kuadër të zgjedhjeve lokale, Komisioni Shtetëror i Zgjedhjeve njofton se dalja e qytetarëve deri në orën 13:00 është 19.96 për qind apo 671 mijë e 892 votues.
Nënkryetari i KSHZ-së, Avdush Demiri në konferencën për media të orës 13:00, tha se dalja është 5 për qind më e vogël krahasuar me rundin e parë.
“Komisioni Shtetëror i Zgjedhjeve akumuloi të dhëna nga gjithsej 93.15 për qind të vendvotimeve sa i përket jehonës së votuesve deri në ora 13:00. Sipas këtyre të dhënave, gjithsej 671 mijë e 892 qytetarë kanë shfrytëzuar të drejtën e tyre të votës ose 19.96 për qind. Krahasuar me raundin e parë të zgjedhjeve, në të njëjtën kohë jehona e votuesve ishte 20.12 për qind. Në këtë rast theksojmë se vërehet një ulje e vogël së jehonës së votuesve”, tha Demiri.
Ndërkohë edhe për kryetar të Shkupit, më 19 tetor, në rundin e parë, dalja ishte 20.07 për qind ose rreth 5 për qind më pak.
Balotazhi në Maqedoninë e Veriut, deri në orën 11:00 votuan 10% e qytetarëve
Komisioni Shtetëror i Zgjedhjeve në Maqedoninë e Veriut, ka bërë të ditur se deri në orën 11:00, në kuadër të procesit të balotazhit, kanë votuar 70.424 qytetarë që në përqindje është 10,10.
Gjatë konferencës së parë, nënkryetari i KSHZ-së, Avdush Demiri teksa bëri të ditur se procesi zgjedhor po zhvillohet pa pengesa, ai theksoi se dalja e votuesve deri në ora 11:00 është 10,10%.
“Sipas të dhënave gjithsejtë 70 424 votues deri në orën 11:00, e kanë kryer të drejtën e votës, do të thotë jehona e votuesve deri në orën 11:00 është 10.10 për qind. …deri në këto momente në KShZ të gjitha informatat që vinë tregojnë që zhvillohet një proces zgjedhor i qetë dhe demokratikë, pa ndonjë pengës”, deklaroi Demiri.
Mbi një milion qytetarë kanë të drejtë vote.
Komunat dhe qytetet ku sot zgjidhen kryetarët në balotazh janë: Shkupi, Aerodromi, Bogovina, Bërvenica, Vallandova, Vinica, Dibra, Debarca, Demir Kapi, Dojrani, Dollneni, Zrnovci, Karposhi, Kërçova, Konçe, Koçani, Krusheva, Kumanova, Maqedonia Mogilla, Negotina, Probishtipi, Rankovca, Rosomani, Struga, Studeniçani, Tetova, Qendra, Çeshinovë-Oblesheva, Çucer Sandeva dhe Shuto Orizari.