Raportime për bomba ka pasur edhe në Maqedoninë e Veriut të premten, një ditë pasi dhjetëra mesazhe kërcënuese me bomba u dërguan nëpër shkolla gjithandej Kroacisë.
Ministria maqedonase e Punëve të Brendshme ka njoftuar se autoritetet përkatëse janë të pranishme në disa shkolla fillore dhe të mesme në gati të gjithë shtetin.
Shërbimet kompetente po marrin masat e nevojshme për t’u marrë me rastin “e një kërcënimi terrorist”, thuhet në njoftimin e MPB-së.
“Vlerësimi i shkallës së kërcënimit po bëhet në koordinim me shërbimet e sigurisë dhe inteligjencës përmes shtabit operativ të krijuar në kuadër të ministrisë”, thuhet tutje.
Ministria ka shtuar se bazuar në të kaluarën, ka gjasa që këto të jenë të rreme.
Artikuj të ngjashëm
-
Mbyllen disa shkolla në Zagreb, morën mesazhe se janë vendosur bomba
-
Alarmi për bombë në shkollën në Fushë-Kosovë, i rrejshëm
-
Mbi 240 shkolla në Hungari shënjestër të kërcënimeve me bombë
-
Mbyllen kopshtet dhe shkollat në Mal të Zi pas kërcënimeve për bomba
-
Sllovakia pranon më shumë se 1000 kërcënime me bomba