Policia e Kosovës ka vendosur shirita në sheshet e Prishtinës për të pamundësuar lëvizjen e qytetarëve.
Pjesëtarë të Policisë janë vendosur në sheshe për të ndaluar qytetarët që po kalojnë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjithashtu janë mbyllur të gjitha hyrjet për në sheshe.
Drejtori i Inspektoratit të Prishtinës, Adonis Tahiri, ka thënë shkurt për KOHËN se kjo është masë e Policisë për kufizim të lëvizjes.
Ndërkaq zëdhënësi i Policisë, Baki Kelani, i ka thënë KOHËS se shiritat janë vendosur me qëllim të zbatimit të vendimeve mbi ndalimin e grumbullimit dhe shfrytëzimit të shesheve për shëtitje, por jo edhe për raste pune.
“Referuar vendimeve dhe rekomandimeve të institucioneve shtetërore ndaj pandemisë COVID-19, Policia e Kosovës ka vënë shirita sigurues në sheshe, me qëllim të zbatimit të vendimeve mbi ndalimin e grumbullimit dhe shfrytëzimit të shesheve për shëtitje, por jo edhe për raste pune. Kjo masë ka për qëllim parandalimin e përhapjes së virusit përmes grumbullimit të njerëzve. Policia e Kosovës vazhdon të ftoj qytetarët për respektim të vendimeve dhe njëherit i falënderon për bashkëpunim dhe mirëkuptim”, thuhet në njoftim.
Ndërkaq Qeveria e Kosovës në një përgjigje për KOHËN ka thënë se vendosja e shiritave nëpër sheshe është në kuadër të vendimeve të mëhershme.
“Vendosja e shiritave në sheshe është në kuadër të vendimeve të mëhershme, përkatësisht vendimit të Grupit Ndërinstitucional për Menaxhimin e Incidenteve për mbylljen e të gjitha parqeve me qëllim parandalimin e grumbullimit të qytetarëve në hapësira të përbashkëta dhe vendimit të mëhershëm të Qeverisë në detyrë për ndalimin e qarkullimit të qytetarëve në sheshet e hapura. Meqë kjo javë pritet të përcillet me mot me diell, institucionet përgjegjëse kanë vendosur forma të reja që i shërbejnë zbatimit të vendimit për ndalimin e qarkullimit në sheshe me qellim parandalimin e frekuentimit dhe grumbullimit të qytetarëve në këto hapësira”, thuhet në përgjigjen e tyre.
{gallery}