Të enjten ka përfunduar Kampionati Botëror për seniorë në sportin luftarak të taekwondos. Botërori u mbajt në Wuxi të Kinës, ndërsa morën pjesë 991 garues, që është rekord.
Në mesin e tyre ishin gjashtë taekwondistë nga Kosova. Por prezantimi i tyre përfundoi pa ndonjë sukses të arritur. U regjistrua vetëm një fitore dhe eliminime të hershme. Kështu taekwondistët nuk bënë ndonjë hap para, ndonëse është shpresuar në një gjë të tillë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoRona Gashi ishte e para që garoi për Kosovën. Ajo u mposht që në luftën e parë në kategorinë deri 57 kilogramë, nga Teigan Smith e Britanisë së Madhe.
Valton Ademi po ashtu u ndal në luftën e parë. Garoi në kategorinë deri 63 kilogramë, ndërsa humbi nga një garues i Nigerisë.
Jon Gashi ishte i vetmi që shënoi fitore. Në raundin e parë të kategorisë deri 80 kilogramë e mposhti indianin Shivansh Tyagi. Në luftën e dytë Gashi humbi nga garuesi i Greqisë, Ioannis Papadopoulos.
Elion Agushi garoi në kategorinë deri 68 kg dhe që në nismë pësoi nga një taekwondist i Kilit.
Bleron Ademi, që vlerësohej shpresë e madhe për sukses, humbi nga një iranian në luftën e parë në kategorinë deri 58 kg. Iraniani Abolfazl Zandi në fund e fitoi të artën.
Mal Sahiti humbi në përballjen e parë në kategorinë deri 74. Pësoi nga Artsiom Babakhin, që është nga Bjellorusia por garon si sportisti neutral.
Taekwondoja në Kosova vuan nga mungesa e masivitetit. Por ndonëse në numër shumë i vogël, komuniteti i taekwondos është i ndarë në dy grupe. Ndarja është shumë e theksuar dhe kjo vlerësohet se ndikon në frenimin e avancimit para.
Botërori në Kinë dëshmoi që rezultatet nuk janë as për së afërmi ato që synohen.
Turqia ishte vendi i vetëm me tri medalje të arit në këtë Botëror. Nga dy i fituan Koreja e Jugut, Brazili e Tunizia. 27 vende fituan medalje.