Një nga proceset më të preferuara të dekorimit të shtëpisë, janë detajet.
Janë pikërisht prekjet e vogla të cilat shpesh bëjnë diferencën e mund t’ju bëjnë të ndiheni sikur po jetoni në një shtëpi të re.
Ky proces mjaft interesant ka hiletë e veta të vogla të cilat e bëjnë të gjithin shumë më të lehtë e të kënaqshëm për ju.
Në këtë artikull nga AgroWeb.org do ju rendisim disa prej tyre dhe secilën bimë për çdo ambient të shtëpisë tuaj.
Për korridorin dhe banjën
Në përgjithësi korridoret apo sipërfaqet e ngushta e të gjata nuk kanë shumë ndriçim.
Kjo për shkak të pozicionit të tyre në shtëpi e sidomos nëse bëhet fjalë për apartamente.
Kështu bëhen automatikisht sipërfaqe të papërshtatshme për të rritur lule, por jo gjithnjë kjo është e vërtetë.
Mjafton të zgjidhni lulet e duhura dhe korridori juaj do të lulëzojë përgjatë gjithë vitit.
Alternativa e parë është lulja bromeliads, lule shpata dhe calatheas, një lloj fikusi.
Këto lule nuk kanë nevojë për shumë dritë dhe ujë ndaj mund t’i vendosni në hapësirën e korridorit në shtëpinë tuaj.
Një tjetër ambient ku drita është e pakët janë banjat të cilat megjithëse mund të mos jeni mësuar t’i dekoroni me lule, mund të filloni ta bëni tani.
Kjo hapësirë e shtëpisë meriton të jetë po aq e këndshme sa gjithë të tjerat, prandaj drejtohuni tek lulet.
Kështu ju sugjerojmë të vendosni orkide apo një lloj zambaku të quajtur anthuriums
Një zgjidhje tjetër shumë komode është edhe përdorimi i luleve artificiale.
Sidomos nëse ambienti që do të dekoroni ka mungesë të theksuar të dritës dhe lulet kanë tendencën të thahen.
Kuzhina
Në kuzhinë ku ndodhet edhe qendra e shtëpisë, mund të rrisni gjithfarë lulesh.
Por ne do ju sugjerojmë të rrisni barishtet të cilat mund t’i përdorni edhe për gatim.
Këtu futen erëzat e freskëta si borziloku, majdanozi, menta, nenexhiku, rozmarina apo qepa e njomë.
Për të qenë në gjendje sa më të mirë është e rëndësishme që këto bimë të marrim sa më shumë dritë.
Prandaj vendosini buzë dritares së kuzhinës tuaj.
Dhoma e ndejës
Këto ambiente gjithashtu janë të mbushura me dritë dhe dritare të mëdha.
Një nga ambientet ideale për lulet dhe dekorin.
Mbusheni shtëpinë tuaj me ngjyra duke mbajtur këto lule të ndryshme si gerberat, trëndafilat, zambakët apo të tjera shumëngjyrëshe.
Ballkoni
Nëse keni ndonjë tarracë të vogël apo ballkon, sigurohuni ta mbushni atë me vazo të ndryshme lulesh.
Kjo hapësirë zakonisht është më natyrale dhe e përshtatshme për lulet pasi ofron të gjithë mjedisin e nevojshëm për t’u rritur.
Megjithatë duhet të keni parasysh të zgjidhni lule të cilat durojnë diellin dhe shiun në varësi të vendit ku jetoni.
Kështu për mjedise të jashtme, rekomandohen luleborat, livanda, luledelet apo begoniat.
Gjithsesi kini parasysh të vlerësoni edhe kushtet atmosferike të vendit ku jetoni para se të mbillni lulet jashtë./AgroWeb.org
