Si të përkujdesemi për lulet gjatë dimrit?

Në lulishten “Agrocop” ngjyrat dhe aromat e luleve e mbushin hapësirën me gjallëri.

Lulet e tyre zbukurojnë çdo ambient, qoftë brenda shtëpisë apo jashtë në oborr.

Menaxherja e lulishtes, Fahrie Limani-Loxha, shpjegon hapat se si duhet kujdesur për lulet në ambientet e brendshme, duke theksuar rëndësinë e ujitjes sipas nevojës. 

Ajo thotë se një herë në javë mjafton që të ujiten lulet, në mënyrë që rrënjët të mos dëmtohen.

Limani-Loxha tregon edhe cilat lule janë vetëm për ambiente të brendshme dhe cilat mund të vendosen edhe në dhomën e gjumit.

Lulishtja “Agrocop” ofron mbi 10 mijë lloje lulesh sezonale dhe shumëvjeçare, duke ia dhënë çdo klienti mundësinë të gjejë lulen e duhur për ambientet e shtëpisë së tyre.