Kur flini mirë, jeni më energjikë dhe më të përqendruar në punë.
Por gjumi, për fat të keq nuk vjen sa hap e mbyll sytë dhe në shumicën e rasteve kërkon punë.
Një nga mënyrat më të mira për të garantuar një gjumë cilësor është që t’i përkushtoheni shqisës së aromës.
Ekspertët e terapive aromatike thonë se rruga drejt gjumit të mirë nis nga hunda, pra nga nuhatja.
Sipas tyre, disa aroma të caktuara përmirësojnë cilësinë e gjumit të shumë grupmoshave dhe të dy gjinive.
Edhe
Aromat e mira gjatë gjumit mund të ndikojnë mirë në trurin tuaj
Livanda është një prej tyre.
Një studim i kryer tregoi se studentët që nuhasnin vaj levendeje gjatë një provimi ishin më pak të stresuar.
Një studim tjetër zbuloi se livanda zgjat fazën e dytë shumë të rëndësishëm të gjumit tek femrat dhe se njerëzit që kanë fjetur mirë falë livandës zgjohen më energjikë.
Ekspertët thonë se gjithmonë është koha e duhur që të mbushni ambientet tuaja me aromë të mirë.
Në vend që të merrni ilaçe gjumi, kërkoni aroma qetësuese.
Mjafton të zgjidhni aromat e duhura.
Vaji esencial i livandës
Edhe
Si ta përgatisni çajin e livandës për gjumë të qetë
Të dhënat e AgroWeb.org tregojnë se vaji esencial i lavandës ndihmon kundër pagjumësisë, dhimbjeve të lindjes, dhimbjeve të kokës pas pirjes së tepruar të alkoolit, bllokimeve të sinozitit dhe depresionit.
Livanda është përdorur tradicionalisht prej shekujsh, pikërisht për shkak të këtyre efekteve qetësuese.
Shembujt e mëposhtëm të renditur nga AgroWeb.org janë marrë nga gjetjet e studimeve klinike mbi terapinë me livandë.
Terapia e aromave me livandë (me ose pa masazh) ul perceptimin e dhimbjes.
Njerëzit që janë në kontakt me vajin esencial të livandës për të paktën tre minuta, ndihen më të qetë.
Ndërkohë që nivelet e ankthit ulen, humori dhe vëmendja përmirësohet ndjeshëm.
Edhe
Lëngu që dietologët rekomandojnë të pini para gjumit për të fjetur më mirë
Një studim tjetër zbuloi se spërkatja e zyrave me vaj esencial livande përmirëson humorin e njerëzve që punojnë së bashku dhe ul stresin.
Studimi u krye në disa zyra dhe zbuloi se 85% e pjesëmarrësve pranonin ndikimin përmirësues të vajit të livandës në ambientin e punës./AgroWeb.org
