Djersitja e tepërt gjatë natës mund të jetë simptomë e sëmundjeve të ndryshme, por në raste të veçanta, ajo mund të tregojë një sëmundje malinje, veçanërisht nëse ndodh papritur dhe pa ndonjë arsye të dukshme.
Mjekët shpjegojnë se në rast të kancerit, trupi mund të reagojë duke u përpjekur ta rregullojë temperaturën, sidomos nëse janë prezentë ndryshimet hormonale që stimulojnë djersitjen.
Sigurisht se nëse ushtroni para gjumit, pini alkool, pije të ngrohta ose temperatura e dhomës është e lartë, djersitja është normale. Por, nëse vëreni se djersitja është shfaqur pa asnjë arsye natën, duhet t’i kushtoni vëmendje, shkroi Index.
Simptomat më të zakonshme të kancerit që nuk duhet t’i injoroni
Kanceri mund të zhvillohet pa shfaqur simptoma, por është e rëndësishme të dini çfarë është normale për trupin tuaj. Nëse vëreni ndryshime që nuk largohen ose përkeqësohen, vizitoni mjekun.
Sipas ekspertëve, simptomat e mëposhtme mund të japin indikacione për kancer dhe është e rëndësishme të vizitoni mjekun.
Djersitje të tepërta gjatë natës
Plogështia që nuk largohet
Gjakderdhje e pashpjegueshme ose mavijosje
Dhimbje e re pa ndonjë shkak
Humbje e peshës pa mbajtur dietë
Gungë ose ënjtje në trup
Ndryshime në nishane (madhësia, ngjyra, forma)
Një plagë që nuk shërohet
Kollitje e gjatë, ngjirje ose ndryshim në zë
Gjak me pështymë
Vështirësi në përbirje
Vështirësi në frymëmarrje
Ndryshime në gjinj
Fryrje që nuk përfundon
Humbje e apetitit
Ndryshime në jashtëqitje
Gjak në jashtëqitje
Gjakderdhje vagjinale e papritur (midis menstruacioneve, pas marrëdhënieve seksuale, apo menopauzës)
Gjak në urinë
Vështirësi në urinim
