Nëse keni qenë me COVID-19 organet tuaja po plaken më shpejt, thotë një studim

Nëse keni qenë të prekur me COVID-19, shanset janë që disa nga organet tuaja mund të plaken tre ose katër vjet më shpejt.

Një shkencëtar pas një studimi për COVID-in e gjatë thotë se infektimi i shumëfishtë mund të përkeqësojë gjithashtu procesin e plakjes.

Pas më shumë se dy vjet e gjysmë kërkimi për COVID-in, shkencëtarët thonë se më në fund po shohin pikat e para të të dhënave që vërtetojnë një ndryshim dramatik në organet e njeriut pas një infeksioni, shkroi CNN.

“Mund të filloni të mendoni ta merrni COVID-in pothuajse si një përshpejtues të plakjes. Infeksioni viral përshpejton procesin e plakjes tek njerëzit”, tha Ziyad Al-Aly, drejtor i Qendrës Epidemiologjike në San Francisko.

Al-Aly ka mbledhur të dhëna nga miliona njerëz me COVID të gjatë përmes studimeve që përfshijnë rezultate të veshkave, trurit dhe zemrës.

Edhe Lifestyle 23 sht 2023 Studimi i ri: “COVID-i i gjatë” mund të shkaktojë anomali në organet kryesore

Të gjithë raportohet se treguan modele të ngjashme, duke treguar se organe të shumta njerëzore plaken më shpejt pas COVID-it, me shumicën që ndodhë tek ata që janë shtruar në spital, por edhe disa me simptoma të lehta të COVID-19.

Edhe pse nevojiten më shumë vite të dhënash, Al-Aly beson se ky proces në rritje i plakjes do të ndalet.