Ndryshimet klimatike po e zgjasin ditën

Shkrirja e akullnajave po e ngadalëson rrotullimin e planetit dhe mund të pengojnë trafikun e internetit, transaksionet financiare dhe GPS-in.

Analizat shkencore kanë treguar se ndryshimet klimatike po e bëjnë çdo ditë më të gjatë ndërkohë që akullnajat polare po e riformësojnë planetin, shkruan “The Guardian”.

Fenomeni po demonstron se si veprimet njerëzore po e transformojnë tokën duke u bërë rivalë për proceset që ekzistojnë që miliarda vite.

Ndryshimi në gjatësinë e ditës është bërë për milisekonda, por kjo është e mjaftueshme për të penguar trafikun e internetin, transaksionet financiare e GPS-in, të cilat mbështeten në saktësinë e kohës.
Kohëzgjatja e ditës në tokës ka qenë duke u rritur ngadalë mbi kohën gjeologjike për shkak të ndikimit që gravitacioni i hënës ka mbi oqean e tokë. Ngrohja globale që u shkaktua nga njerëzit ka bërë që të shkrihen akullnajat e Grenlandës dhe Antarktikut, dhe të mund të rrisin nivelin e ujit të oqeaneve gjë që do të thotë se detet në afërsi të ekuatorit kanë nivel më të lartë të ujit. Kjo gjë e bën tokën më të trashë gjë që ndikon duke zvogëluar fuqinë e rrotullimit, e kjo e zgjat ditën.
Të tjera studime kanë treguar se emetimi i gazrave po shkatërron stratosferën.

Studimi që u publikua në “Processdings of the National Academy of Science of the USA”, ka përdorur mbikëqyrjen dhe rikonstruktimet kompjuterike për të parë se si akulli i shkrirë ka ndikuar në zgjatjen e ditës.

Shkalla e ndryshimit varijoi nga 0.3 në 1.0 milisekonda për shekull, në mes të viteve 1900 dhe 2000. Por që nga viti 2000, ndërkohë që shkrirja përkeqësohet, përkeqësohet edhe shkalla e ndryshimit ditor për 1.3 milisekonda.

Edhe Kuriozitet 20 shk 2025 Akullnajat po shkrihen, shkencëtarët paralajmërojnë për pasoja dramatike

Shkencëtarët kanë deklaruar se kjo shkallë është më e larta që ka ndodhur në mijëvjeçarët e fundit. Është e projektuar të mbetet përafërsisht në nivelin 1.0 mili sekonda për dekadat e ardhshme edhe nëse emetimi i gazrave ndalet.

“Nëse emetimi i gazrave nuk ndalet, shkalla e ngadalësimit të rrotullimit të tokës do të rritet në 2.6 mili sekonda deri në vitin 2100, duke e bërë tejkalimin e baticave të hënës shkaktarin kryesor e të vetmin në ndryshimet afatgjata në gjatësinë e ditëve”, kanë deklaruar shkencëtarët.