Amerikanët nuk kursejnë për kozmetikë, pavarësisht vështirësive ekonomike

Amerikanët, dikur të mbërthyer pas ekraneve të Zoomit në mes të pandemisë, kanë dalë nga izolimi dhe duan të duken më së miri. Bashkëpunëtorët, disa prej të cilëve takohen për herë të parë me njëri-tjetrin, po përpiqen të lënë përshtypje. Ndërkohë njerëzit po dalin në takime dhe po mblidhen për festa verore dhe skara në kohë të lirë pas masave pandemike dhe qejfeve me Netflix në shtëpi

Ashtu si shumë amerikanë, Karla Maldonado, ka reduktuar shpenzimet e saj për të kursyer portofolin e saj nga rritja e kostove: Ajo po ha më pak jashtë dhe po ndjek më pak ngjarje sociale për të frenuar ndikimin e çmimeve të larta të gazit.

Por punonjësja sociale 26-vjeçare e Portlandit në Oregon nuk e ka kursyer grimin e syve të saj, ngjyrën për vetulla, eyelinerin dhe rimelin që ajo zakonisht bën për në punë, pikërisht mbi maskën e saj të fytyrës.

"Kjo është diçka pa të cilën nuk mundem", tha Maldonado. Dhe ajo nuk duket të jetë e vetmja.

Rëndësia e takimit të parë

Shumë shitës me pakicë ulën perspektivat e tyre financiare për vitin pasi panë që blerësit të tërhiqeshin nga shumë artikuj në tremujorin e fundit. Por ndër përjashtimet e dukshme: bukuria.

Target, Kohl's, Macy's dhe Nordstrom theksuan të gjitha shitjet e forta të artikujve të bukurisë në raportet e tyre fiskale të të ardhurave të tremujorit të dytë të lëshuara gjatë javëve të fundit. Walmart, shitësi më i madh me pakicë në vend, tha se është duke parë një rritje të vrullit në biznesin e bukurisë, duke përmendur shitjet e mëdha në kozmetikë, si dhe bizneset e lëkurës dhe flokëve.

Ndërkohë Ulta Beauty, shitësi më i madh i bukurisë në vend, tha se shitjet e përgjithshme u rritën me gati 17% në tremujorin e tij më të fundit, krahasuar me të njëjtën periudhë të vitit të kaluar.

Amerikanët, dikur të mbërthyer pas ekraneve të Zoomit në mes të pandemisë, kanë dalë nga izolimi dhe duan të duken më së miri. Bashkëpunëtorët, disa prej të cilëve takohen për herë të parë me njëri-tjetrin, po përpiqen të lënë përshtypje. Ndërkohë, njerëzit po dalin në takime dhe po mblidhen për festa verore dhe skara në kohë të lirë pas masave pandemike dhe qejfeve me Netflix në shtëpi.

Teoria e “indeksit të buzëkuqit”

Por një shpjegim tjetër i mundshëm se pse kozmetika po lulëzon kur konsumatorët janë më të shqetësuar për shpenzimet e tyre, është një teori e mbrojtur prej kohësh e njohur si "indeksi i buzëkuqit", i cili supozon se shitjet e buzëkuqve rriten gjatë periudhave të rënies ekonomike.

Arsyetimi spikat: Kur ndjenja e konsumatorit bie, amerikanët kërkojnë arratisje duke kërkuar hile të vogla për të kënaqur veten, si për shembull duke blerë buzëkuq të ri në vend të alternativave më të shtrenjta që nuk mund t'i përballojnë më. Për të tjerët, versioni i tyre i buzëkuqit mund të jetë si puna e një birre të lirë ose një “Caramel Macchiato” prej 5 dollarësh nga “Starbucks”, që raportoi të ardhura rekord në gusht për tremujorin e tretë fiskal.

Teoria e buzëkuqit ka qëndruar, edhe pse jo gjithmonë. Shitjet e kozmetikës u rritën gjatë Depresionit të Madh dhe recesionit në fillim të viteve 2000. Por, shitjet ranë gjatë kolapsit ekonomik të vitit 2008, sipas firmës së kërkimit të tregut NPD Group. E njëjta gjë ndodhi gjatë ditëve të para të pandemisë pasi amerikanët qëndruan në shtëpi, ose pas heqjes së maskave, dhe i zhvendosën interesat e tyre drejt mirëqenies dhe kujdesit të lëkurës pasi pagesat stimuluese vërshuan llogaritë bankare, duke ndihmuar në rritjen e kursimeve të konsumatorëve që tashmë po shpenzonin më pak për të udhëtuar ose për të ngrënë jashtë për shkak të bllokimeve pandemike.

Tani grimi po zhurmon përsëri. Amerikanët kanë blerë më shumë kozmetikë për sytë, fytyrën dhe buzët, afërsisht 2%, 5% dhe 12% respektivisht, në një analizë vit pas viti të shitjeve nëpër dyqane, sipas firmës së kërkimit të tregut IRI.

Në Macy's, themeluesi Jeff Gennette vuri në dukje në një telefonatë fitimesh në fund të muajit të kaluar se konsumatorët janë përqendruar në marrëveshje dhe kanë ulur blerjet në mes të inflacionit të lartë. Megjithatë, ata arritën të blinin produkte bukurie, si dhe sende të lidhura me udhëtimin si bagazhe, këpucë dhe rroba për t'i veshur në zyrë, tha Gennette.

Industri e imunizuar nga krizat

Ndërkohë Kohl's raportoi se blerësit po bënin më pak udhëtime, duke shpenzuar më pak për transaksion dhe duke u zhvendosur drejt markave të dyqaneve të orientuara nga vlera. Por, në dyqanet e saj të bukurisë, Sephora, të lansuara vitin e kaluar si pjesë e një partneriteti me zinxhirin e bukurisë, blerësit po shpenzojnë lirshëm për kujdesin e lëkurës, grimin dhe aromën.

“Klientët nuk janë të gatshëm të heqin dorë nga blerjet e tyre të bukurisë”, tha së fundmi për Associated Press themeluesi i Kohl, Michelle Gass. "Njerëzit duhet të ndihen mirë në këtë kohë me kaq shumë presion mbi ta".

Shitjet e Sephoras pasqyrojnë gjetje më të gjera të lëshuara në korrik nga NPD Group, e cila tregoi midis 14 industrive diskrecionale të ndjekura nga grupi këtë vit, bukuria ishte e vetmja kategori që pa një rritje në shitje. Megjithatë këmbëngulja e bukurisë në tregjet më prestigjioze si Macy's, Sephora dhe Nordstrom kryesisht drejtohen nga persona me të ardhura të larta, ose ata me një pagë vjetore prej 100.000 dollarësh ose më shumë, sipas Larissa Jensen, këshilltare e industrisë së bukurisë në NPD.

"Ndërsa ne të gjithë po i ndiejmë këto presione inflacioniste, ai ka më pak ndikim tek një konsumator që fiton gjashtë shifra sesa tek një konsumator me të ardhura më të ulëta", tha Jensen.

Diku tjetër, megjithatë, shitjet e forta tregojnë se amerikanët e të gjitha niveleve të të ardhurave marrin pjesë në rritje. Në Target sektori i bukurisë gëzoi rritje të shitjeve me shifra të ulëta, ndërsa mallrat shtëpiake, veshjet dhe pajisjet elektronike pësuan rënie. Si rezultat, për pushimet dimërore, Target tha se do të jetë më i kujdesshëm me porositë e tij për artikuj, por do të mbështetet tek bukuria si dhe tek gjërat e nevojshme si ushqimet.

Konkurrenti i tij Walmart, lansoi produkte më të shtrenjta të bukurisë në mars, në bashkëpunim me shitësin britanik, SpaceNK, dhe thotë se ato seksione kanë performuar mirë. Shitësi me pakicë, i cili u ka ofruar konsumatorëve zbritje të zgjedhura, do të mbajë një ngjarje bukurie në shtator, ku klientët mund të gjejnë oferta në dyqan dhe në internet.

Këto fitore, të kombinuara me nivele të ulëta të rritjes së çmimeve dhe çështjeve të zinxhirit të furnizimit, e kanë bërë industrinë e bukurisë të ndihet e izoluar nga sfidat në ekonominë e gjerë, tha Jensen.

"Por ka ende shumë gjëra që sillen përreth", paralajmëroi ajo. "Dhe ne duhet të jemi të vetëdijshëm se gjërat mund të ndryshojnë në çdo moment".

Përktheu: Forca Jashari