Kompania farmaceutike spanjolle PharmaMar ka filluar fazën e tretë të provave klinike të përdorimit të ilaçit të kancerit Aplidin për trajtimin e pacientëve me COVID-19.
Kjo kompani të premten ka thënë se ka arritur qëllimin duke ofruar siguri dhe efikasitet me këtë ilaç për të filluar fazën e tretë, raporton Reuters.
Kompania tha se 80.9 për qind e pacientëve janë liruar nga spitali para ditës së 15-të nga fillimi i trajtimit të tyre aty dhe 38.2 për qind para ditës së 8-të.
“Me këto të dhëna, kompania do të fillojë në ditët në vijim bisedimet me agjencitë rregullatore për të përcaktuar fazën e tretë të studimit të Aplidinit në pacientë me COVID-19, të cilët kërkojnë trajtim në spital”, ka thënë në një deklaratë PharmaMar.
