Mbetjet e një anijeje që daton nga fillimet e viteve 1900 kanë dalë mbi sipërfaqen e ujërave në Serbi ndërsa lumenjtë e Evropës po tkurren nga i nxehti.
Anija sllovene u shfaq në Lumin e Savës në fillim të muajit afër qytetit serb Sremska Mitrovica. Por tani banorët thonë se asnjëherë më shumë nuk ka qenë e ekspozuar jashtë ujit kjo anije.
Anijen e bënë edhe më të veçantë emri me të cilën e quajnë mediat serbe, “Titaniku i Savës”.
Shumë anije janë zbuluar nga ujërat e Danubit për shkak të thatësisë së madhe që ka shteruar lumenjtë. Niveli i ulët i Danubit këtë vit ka shkaktuar probleme edhe për centralet bërthamore në Hungari dhe Rumani.
Anija sllovene, apo “Titaniku i Savës”, u ndërtua në vitin 1913 në Budapest, atëkohë pjesë e Perandorisë Austro-Hungareze. Gjatë Luftës së Parë Botërore anija ndaloi lundrimin. Pas përfundimit të luftës Perandoria Austro-Hungareze u shpërbë, ndërsa pronësia e anijes i kaloi mbretërisë së re të sapoformuar më pas nga serbët, kroatët dhe sllovenët – që më vonë do të bëhej Jugosllavia – si pjesë e dëmshpërblimeve të luftës.
Më pas, gjatë Luftës së Dytë Botërore anija u përball me okupimin nazist gjerman. Më 1945 ndërsa në të po barteshin luftëtarë të plagosur, anija ra në një minë gjermane dhe u fundos.
-
Niveli i Danubit po bie aq shumë sa që anijet e Luftës së Dytë po shfaqen
-
Danubi në Serbi në nivel kritik, mbetjet naziste dalin në sipërfaqe dhe rrezikohet furnizimi me rrymë
-
Nga Memorandumi i SANU-së te “bota serbe”
-
Të korra të dëmtuara dhe çiklistë në shtratin e lumit: Si e ka shkatërruar thatësira Danubin
-
Gurët e urisë dalin në sipërfaqe si shenja historike