Zyrtarët në Floridën jugperëndimore thanë se vrimat e thella të gjetura në plazhet e zonës besohet se janë rezultat i vizitorëve që tentojnë një sfidë në TikTok.
Alliston Ward banore e Sanibel tha se ka gjetur katër vrima deri në 5 metra të thella dhe 4 metra të gjera, në plazhe.
“Për pak rashë në një”, tha Ward për WBBD-TV. “Kap parë gërvishtje, por nuk kam parë kurrë vrima si kjo”.
Kryebashkiaku i Sanibelit, Holly Smith, tha se punonjësit e Punëve Publike kanë qenë në punë duke mbushur vrimat e hapura, shkruan Upi.
“Kur po shikojmë thellësinë dhe madhësinë e disa prej këtyre vrimave që kemi gjetur në plazh, vërejmë s nuk janë vetëm kështjella rëre”, tha Smith.
Smith tha se një sfidë virale besohet të jetë pas vrimave të pazakonta.
“Kishta disa sfida në TikTok duke thënë se ‘Sa thellë mund të gërmoni’”, tha Smith.
Departamenti i Policisë së Ishullit Marco postoi një fotografi në Facebook javën e kaluar duke treguar një vrimë të madhe që kishte mbetur në një plazh me një lopatë të braktisur brenda.
Departamenti i kërkoi kujtdo që hap gropa në plazh të sigurohej që t'i mbushë ato përpara se të largohej.
