Izraeli në nëntor do të fillojë testimin e vaksinës në njerëz

Izraeli do t’i fillojë provat e para të vaksinës së mundshme kundër COVID-19, me 1 nëntor tek njerëzit.

Vaksina potenciale është bërë nga një institut kërkimor i mbikëqyrur nga Ministria e Mbrojtjes, ndërsa këto prova do të bëhen në njerëz.

Instituti i Izraelit për kërkime biologjike kishte filluar në mars provat tek kafshët për vaksinën e saj kundër koronavirusit, ndërsa ministria e Shëndetësisë ka dhënë aprovimin për ta dërguar në një fazë tjetër.

Testimet e para do të bëhen nga 80-të vullnetarë të moshave 18-55 dhe do të monitorohen për tre javë për të parë nëse do të zhvillohen antitrupat e virusit. Këto deklarime i ka bërë ministria e shtetit izraelit, ndërsa faza e dytë pritet të fillojë në dhjetor dhe do të përfshijë 960 njerëz.

Në rast se këta do të kenë sukses, sipas Reuters, faza e tretë do të ketë rreth 30 mijë vullnetarë, të planifikuar për testim në muaji prill-maj. Në rast se tregon sukses, vaksina mund të aprovohet për përdorim të gjerë.

“Qëllimi ynë përfundimtar është që ndahen 15 milionë vaksina për popullin dhe fqinjët tanë”, kanë thënë autoritetet.