Kur gjyshja 99-vjeçare Florentina Martin u infektua me koronavirus në shtator, frika e mbesës së saj nuk ishte se sëmundja do të shkaktonte vdekjen e saj, por se do të përfundonte e vetme në repartin e emergjencës, shkruan agjencia Reuters.
“Gjithmonë kam menduar se vetmia do të shkaktonte vdekjen e saj para se të bënte këtë virusi, pasi ajo kishte frikë të rrinte vet, veçanërisht në spital”, ka thënë Noelia Valle.
Ajo mendon se gjyshja e saj me gjasë është infektuar në festën për ditëlindjen e 99-të më 16 shtator, kur familja doli jashtë në ballkon ku shijoi motin e bukur me pije.
“Mendoj se duhet të ketë qenë në atë moment, pasi të gjithë ishim bashkë afër njëri-tjetrit pa maska”, ka thënë Valle.
Disa ditë më vonë, Martin nisi të ndjehej e dobët dhe mbeti e shtrirë në shtrat.
Ekspozimi ndaj vajit të kontaminuar të rapit kur ishte e re i shkaktoi asaj probleme shëndetësore jetësore, duke e bërë më të cenueshme ndaj komplikimeve respiratorike të shkaktuara nga COVID-19.
Por ajo zhvilloi vetëm simptome të buta dhe ishte në gjendje të rikuperohet në shtëpinë e vet në Madrid, me përkrahje të familjes, kujdestares Olga Arauz dhe qenit të saj Luna.
Edhe
Një grua spanjolle u kthye në shtëpi nëntë ditë pasi u shpall e vdekur
Tash ajo është kthyer në ritmin e zakonshëm, duke shikuar emisione televizive dhe duke luajtur videolojëra në tabletin e stërnipit të saj pesëvjeçar Pedro.
“Jam mirë”, thotë Martin.
Megjithë rikuperimit të gjyshes, Valle, që është biologë, insiston në mbajtjen e maskës kur e viziton atë.
-
102-vjeçarja që i mbijetoi gripit spanjoll mposhti koronavirusin për herë të dytë
-
Frika nga virusi po i detyron prindërit në Spanjë që të mos i dërgojnë fëmijët në shkollë
-
113-vjeçarja që i mbijetoi koronavirusit: Të moshuarit janë harruar nga shoqëria
-
Spanjollja me koronavirus lindi fëmijë të shëndoshë, por edhe pas 10 ditëve ende nuk e ka puthur