Një ari është kapur në Alpet italiane të martën jo shumë larg vendit ku u vra një vrapues 26-vjeçar, shkruan BBC.
Italianët u tronditën nga vdekja e Andrea Papit në fillim të prillit në rajonin verilindor të Trentino-Alto Adige pasi u sulmua nga ariu.
Pasi ariu u identifikua si një 17-vjeçar i njohur si JJ4, autoritetet lëshuan një urdhër që ai të vritet.
Por urdhri që ariu të qëllohej u pezullua më vonë dhe JJ4 u dërgua në një qendër të kafshëve të egra. Nuk dihet se çfarë do të ndodhë me të, pasi një gjykatë do të vendosë nëse ariu do të vritet apo jo.
Andrea Papi u sulmua për vdekje teksa vraponte mbi qytetin e Caldes në shpatet e malit Peller në Brenta Dolomites, duke shkaktuar frikë dhe zemërim në rajon. Ai është italiani i parë që dihet se është vrarë nga një ari në vitet e fundit.
Kafshët janë një specie e mbrojtur në Itali dhe popullsia e tyre është rritur vitet e fundit pasi u rifutën në rajon dy dekada më parë.
Prindërit e ariut JJ4 ishin sjellë në Italinë veriore nga Sllovenia në kuadër të projektit evropian të ruajtjes “Life Ursus”. Ariu kishte sulmuar një burrë dhe djalin e tij ndërsa ata po shëtisnin në malin Peller në vitin 2020.
Ariu u kap në një kurth të mbushur me fruta, pasi rojet e pyjeve me qen panë gjurmët e këmbëve në dëborë.