BE: Nga Kosova ende nuk kemi marrë raportin e hetimeve për sulmin në Banjskë

Bashkimi Evropian edhe një herë e ka arsyetuar mosndërmarrjen e masave ndaj Serbisë për sulmin në Banjskë më 24 shtator të vitit të kaluar me faktin se nga autoritetet kosovare ende nuk kanë marrë një raport për rezultatin e hetimeve të atyre sulmeve. 

Zëdhënësi i BE-së, Peter Stano, duke u përgjigjur në pyetjet se pse ka masa ndaj Kosovës nga ana e BE-së, e jo edhe ndaj Serbisë tha se BE-ja është në pritje të rezultateve të hetimeve për këtë incident, për të parë se çfarë qëndrimi të marrë.