“Nëpër film” me Afrim Muçajn dhe të rejat nga bota

“Nëpër Film” vjen këtë të diel me edicionin e ri, me ç’rast sjell të rejat e fundit nga skena e filmit vendor dhe ndërkombëtar.

I ftuar në emision këtë javë është aktori i njohur kosovar Afrim Muçaj. I shquar për role në filma të suksesshëm në skenën e festivaleve, të tillë si “The Van” dhe “Cirku Fluturues”, me aktorin do të diskutohet rreth sukseseve të tij në këto projekte, por edhe për ndikimin që pandemia e ka pasur në angazhimet e tij në film.

Personazhet e preferuara të animuara, Tomi dhe Jerry, rikthehen në ekranin e madh me filmin i cili do të lansohet nëpër kinema në mars të vitit 2021. Ndiqeni emisionin “Nëpër Film”, i cili transmetohet të dielën në ora 21:20 në KTV.