Arti i saj që shpërfaq krimet e luftës përdor shkronjat e alfabetit, për të treguar një përjetim të përbashkët lidhur me atë periudhë.
Nënshkrimin e ka vënë në piktura të shumta por njëzet vite pas çlirimit, ajo e veçon një cikël të realizuar para dy dekadash.
Pikturat e ciklit “Ofshamë e ngrirë”, i realizuar nga Zake Prelvukaj gjatë periudhës së luftës, nuk i zbehu koha, transmeton emisioni “Express” në KTV.
E rritur në shtëpi artistësh, Zake Prelvukaj e zbuloi talentin e saj qysh prej moshës katërvjeçare.
Zake Prelvukaj, e cila ka një rrugë të gjatë në artin pamor, e ngreh një paralele mes artit dhe matematikës.
Edhe
Arti përtej historisë ruan të vërtetën që s’mund të zëvendësohet
Ajo e cilëson si të vonshëm trajtimin e rasteve të përdhunimeve gjatë luftës në Kosovë dhe kritikon neglizhencën 20 vjeçare.
Përjetimet e luftës që i kanë kaluar para syve, ajo i ka shndërruar në një cikël pikturash, të cilin e ka titulluar “Ofshamë e ngrirë”.
Artistja flet për reagimin e saj përmes artit dhe misionin që do të duhej të bartej edhe në fusha tjera, tash e 20 vjet prej çlirimit të vendit. Krimet e luftës, Prelvukaj, pas një shkëputjeje, i kthen në formë të artit.
Ajo mendon se arti i asaj kohe është shumë i rëndësishëm të shihet edhe sot.
Prelvukaj e kujton një reagim të asaj kohe, që kishte zgjuar vëmendjen e mediave botërore.
Edhe
“Rregullat e reja” shpalos në Shkup vepra që i referohen aktualitetit
Zake Prelvukaj flet si e sheh artin 20 vjet pas luftës dhe shpalos edhe planet për të ardhmen.
Zake Prelvukaj është lindur në Martinaj të Gucisë. Ka diplomuar për pikturë në vitin 1991 në Fakultetin e Arteve, në Universitetin e Prishtinës. Gjatë karrierës së saj të deritanishme ka pasur ekspozita të shumta personale dhe kolektive.
