Zjarri ka përfshirë një pjesë të konsiderueshme të malit të Goleshit të premten.
Në terren janë aktivizuar njësitet e zjarrfikësve, por siç i kanë thënë KOHËS terreni i papërshtatshëm po e vështirëson lokalizimin e zjarrit. Njësitet pritet të aktivizohen nga të gjitha anët.
Deri më tani nuk ka informacione mbi shkakun e zjarrit apo përmasat e dëmeve të mundshme.
Goleshi është mal në Kosovën qendrore, 1,019 metra mbi nivelin e detit, afër qytetit të Fushë-Kosovës dhe Aeroportit Ndërkombëtar të Prishtinës, “Adem Jashari”. Në mal buron një degë e lumit Drenica.
