Arma e zjarrit dyshohet të jetë shkaktare e vdekjes së një 5-vjeçari të shtunën pasdite në Vushtrri, ka bërë të ditur Policia e Kosovës.
Në një njoftim për rastin, Policia e Kosovës e ka cilësuar rastin si “vdekje e dyshimtë”.
“Rreth orës 17:20, është raportuar se në Spitalin e Vushtrrisë, një fëmijë i moshës 5 vjeçar, është sjellë për ndihmë mjekësore, ndërkohë nga autoritetet mjekësore është bërë e ditur se si pasojë e lëndimeve që dyshohen të jenë nga arma e zjarrit fëmija ka vdekur”, ka thënë zëdhënësi i Rajonit të Policisë në Mitrovicë, Avni Zahiti.
Nga hetimet fillestare bëhet e ditur se ngjarja ka ndodhur në oborrin e shtëpisë së fëmijës.
Në vendin e ngjarjes është gjetur dhe sekuestruar një gëzhojë dhe një armë e llojit pistoletë, ka njoftuar Policia.
Me urdhër të prokurorit trupi i pajetë i viktimës është dërguar për obduksionin në Institutin e Mjekësisë Ligjore.
-
Arrestohet i dyshuari që vrau 19-vjeçarin në Vushtrri, iu gjetën armë në shtëpi
-
Vdekja e 5-vjeçarit në Vushtrri si pasojë e armës së zjarrit, Policia jep detaje
-
Një i plagosur në Vushtrri, shoqërohen në polici për intervistim katër të dyshuar
-
Vdiq një fëmijë në Vushtrri, babai e goditi me automjet nga pakujdesia
-
Plagoset një e mitur në Vushtrri, i dyshuari në arrati